HSRP नंबर प्लेटसाठी आजचा शेवटचा दिवस दंड लागणार तारीख संपली.
प्रादेशिक परिवहन अधिकारी विनोद सगरे यांनी स्पष्ट केलं आहे की, ३० नोव्हेंबर २०२५ हीच अंतिम तारीख आहे. त्यानंतर नंबर प्लेट बसवली नसेल तर
◆HSRP बसवलेली नाही पण अर्ज केला असेल ₹१,००० दंड
◆HSRP बसवली नाही आणि अर्जही नाही ₹१०,००० दंड
बनावट वेबसाइट्स आणि एजंटमार्फत अनेकांकडून फसवणूक होत असल्याचे प्रकार समोर आले आहेत. त्यामुळे केवळ अधिकृत सरकारी संकेतस्थळावरूनच नंबर प्लेटसाठी अर्ज करावा, असा इशारा परिवहन विभागाने दिला आहे.
पूर्वी HSRP बसवण्यासाठी फिटमेंट सेंटर कमी असल्याने अडचणी येत होत्या, मात्र आता २० पेक्षा अधिक अधिकृत फिटमेंट सेंटर उभारण्यात आली आहेत. त्यामुळे वाहनधारकांनी शेवटच्या क्षणापर्यंत थांबू नये, अन्यथा दंड भरण्याची वेळ येऊ शकते.
राज्यात अद्याप फक्त ४० टक्के वाहनांनाच HSRP बसवली गेली आहे. त्यामुळे सरकार जानेवारी २०२६ पर्यंत मुदतवाढ देईल का, याकडे सर्वांचे लक्ष आहे. मात्र ३० नोव्हेंबरनंतर जर कारवाई सुरू झाली, तर उशीर झालेल्या वाहनधारकांचा खिसा नक्कीच हलका होईल. त्यामुळे खबरदारी घ्या आणि तुमच्या गाडीवर लवकरात लवकर HSRP बसवा.
