PM Kisan New Update : महाराष्ट्रातील शेतकऱ्यांना पीएम किसान योजनेचा हप्ता कधी मिळणार पहा.
Pm kisan New update : केंद्र सरकारच्या पीएम-किसान योजनेचा २१वा हप्ता काही राज्यांसाठी जाहीर झाला असून, पूर आणि भूस्खलनग्रस्त शेतकऱ्यांना विशेष मदत मिळाली आहे. हिमाचल प्रदेश, पंजाब, उत्तराखंड आणि जम्मू-काश्मीरमधील शेतकऱ्यांच्या खात्यात २ हजार रुपये जमा झाले आहेत.
मागील २०व्या हप्त्यात ९.७ कोटी शेतकऱ्यांना २० हजार ५०० कोटी रुपये वितरित झाले होते. उरलेल्या राज्यांमधील ई-केवायसी पूर्ण करणाऱ्या शेतकऱ्यांना लवकरच पैसे मिळतील, परंतु शासनाने अधिकृत तारीख अद्याप जाहीर केलेली नाही.
ई-केवायसी केलेल्यांनाच २१वा हप्ता मिळणार…
मागील २०वा हप्ता २ ऑगस्ट रोजी देण्यात आला होता. त्यावेळी एकूण २० हजार ५०० कोटी रुपये वितरित करण्यात आले, ज्याचा फायदा देशभरातील ९.७ कोटींहून अधिक शेतकऱ्यांना झाला. ही रक्कम थेट लाभार्थींच्या बँक खात्यात थेट जमा झाली. ज्या शेतकऱ्यांनी ई-केवायसी आणि नोंदणी प्रक्रिया पूर्ण केली आहे, त्यांनाही लवकरच पैसे मिळतील असे शासनाने सांगितले आहे.
या योजनेच्या नियमांनुसार, हप्ते साधारणतः ४ ते ६ महिन्यांच्या अंतराने दिले जातात. उदाहरणार्थ, गेल्या वर्षी १८वा हप्ता ५ ऑक्टोबर २०२४ रोजी आला होता, तर १९वा हप्ता २४ फेब्रुवारी २०२५ रोजी जारी झाला. पूर्वीच्या ट्रेंडनुसार, २१वा हप्ता नोव्हेंबरच्या पहिल्या आठवड्यात अपेक्षित होता, पण अद्याप अधिकृत तारीख जाहीर झालेली नाही. तरीही, जानेवारी अखेरपर्यंत लाभार्थींना पैसे मिळण्याची शक्यता वर्तवली जात आहे.
काही राज्यांना २१वा हप्ता मिळाला….
२१व्या हप्त्याचे विशेष वितरण आधीच काही राज्यांसाठी सुरू झाले आहे. सप्टेंबर २०२५ मध्ये आलेल्या पूर आणि भूस्खलनामुळे प्रभावित शेतकऱ्यांना मदत करण्यासाठी हे पाऊल उचलण्यात आले. हिमाचल प्रदेश, पंजाब आणि उत्तराखंडमधील शेतकऱ्यांना हे पैसे मिळाले आहेत, तर जम्मू आणि काश्मीरसाठी हप्ता ७ ऑक्टोबर रोजी जारी झाला. ही विशेष मदत शेती क्षेत्रातील आर्थिक ताण कमी करण्यासाठी महत्त्वाची ठरते.
काही शेतकरी या योजनेच्या लाभापासून वंचित राहू शकतात. खालील मुद्यांच्या आधारे लाभ थांबवला जातो:
१ फेब्रुवारी २०१९ नंतर जमीन मालकी मिळवलेले शेतकरी.
एकाच कुटुंबातील एकापेक्षा जास्त सदस्य नोंदणीकृत असणे.
अशा संशयित प्रकरणांची शारीरिक तपासणी होईपर्यंत लाभ रोखले जातात. शेतकऱ्यांनी वेबसाइट, मोबाईल अॅप द्वारे आपली स्थिती तपासावी.
