विस्तारा सोयाबीन वाणाने जालन्यात घातला धुमाकूळ, 5600 ते 7500 रुपये प्रति क्विंटल भाव.
‘विस्तारा’ वाणाने घातला धुमाकूळ ; जालना बाजार समितीत सोयाबीनला चांगला भाव ; जालना बाजार समितीत मंगळवार, ११ नोव्हेंबर २०२५ रोजी सोयाबीनच्या दरात मोठी वाढ दिसून आली आहे. विशेषतः ‘विस्तारा’ (Vistara) या नव्या वाणाच्या सोयाबीनने बाजारात मोठी धुमाकूळ घातली असून, त्याला नियमित सोयाबीनच्या तुलनेत लक्षणीयरीत्या जास्त दर मिळाला आहे. वाबळे ट्रेडिंग कंपनीसारख्या अडत्यांनी ‘विस्तारा’ सोयाबीनचा एक मोठा लॉट तब्बल ६,१११ रुपये प्रति क्विंटल दराने विकला.
सामान्यपणे ‘जेएस ३३५’, ‘ग्रीन गोल्ड’ आणि ‘फुले दुर्वा’ सारख्या वाणांना ४,४०० ते ४,९०० रुपये प्रति क्विंटल दरम्यान दर मिळत असताना, ‘विस्तारा’चा दर ५,७०० रुपयांपासून ते ६,५०० रुपयांपर्यंत पोहोचला आहे. बाजारात या वाणाला अधिक भाव मिळण्याचे मुख्य कारण म्हणजे सध्या त्याची खरेदी बियाण्यासाठी (Seed) केली जात आहे, अशी माहिती अडत दुकानदारांनी दिली.
