रामचंद्र साबळे हवामान अंदाज ; राज्यात नोव्हेंबर ते फेब्रुवारी पर्यंत तीव्र थंडीचा अंदाज.
महाराष्ट्रावर मंगळवार (ता.११) पासून महाराष्ट्राच्या मध्यावर १०१२ हेप्टापास्कल व दक्षिणेस १०१० हेप्टापास्कल इतके हवेचे दाब राहतील. त्यामुळे महाराष्ट्राचे उत्तरेकडील भागावर थंहीस सुरवात होईल, तसेच उत्तरेकडील भागात किमान तापमानात घसरण सुरू होईल. सुरुवातीस रात्री, पहाटे व सकाळी हवामान थंड राहील. दुपारीही कमाल तापमानात घसरण सुरू होऊन दुपारीही हवामान थंड राहील. (रामचंद्र साबळे)
महाराष्ट्रातील सर्वच जिल्ह्यांत वाऱ्याचा ताशी वेग साधारणच राहील. वार्याची दिशा आग्नेयेकडून व ईशान्येकडून राहील. महाराष्ट्रातील विविध जिल्ह्यांचा ऑक्टोबर महिन्यातील पावसाचा आढावा घेतला असता, अकोला, अमरावती, वाशीम, यवतमाळ व सोलापूर जिल्ह्यांत त्या त्या जिल्ह्यांच्या सरासरीपेक्षा ६१ ते ७४ टक्के कमी पाऊस झाला आहे. तर वर्धा, चंद्रपूर, बुलडाणा, हिंगोली, बीड, धाराशिव, पुणे, सातारा, सांगली व कोल्हापूर जिल्ह्यांत त्या त्या जिल्ह्याच्या सरासरीपेक्षा २२ ते ५९ टक्के कमी पाऊस झाला आहे.
