मुख्यमंत्री अन्नपूर्णा योजनेतील 3 मोफत गॅस अनुदानाच्या वितरण

मुख्यमंत्री अन्नपूर्णा योजनेतील 3 मोफत गॅस अनुदानाच्या वितरणाला मंजुरी; ₹५० कोटींच्या निधीची तरतूद.

राज्यातील महिलांसाठी सुरू करण्यात आलेल्या मुख्यमंत्री अन्नपूर्णा योजनेअंतर्गत (Mukhyamantri Annapurna Yojana) प्रलंबित असलेल्या मोफत गॅस सिलिंडर अनुदानाच्या वितरणास अखेर राज्य शासनाने मंजुरी दिली आहे. प्रधानमंत्री उज्ज्वला गॅस योजना आणि मुख्यमंत्री माझी लाडकी बहीण योजनेअंतर्गत पात्र ठरलेल्या महिलांना दरवर्षी तीन गॅस सिलिंडर मोफत देण्याच्या या महत्त्वाकांक्षी योजनेसाठी एकूण ५० कोटी रुपयांच्या निधीची तरतूद करण्यात आली आहे.

ADS खरेदी करा ×

शासन निर्णयाद्वारे निधी वितरणाला मंजुरी.

मुख्यमंत्री अन्नपूर्णा योजनेतील निधी वितरणासंदर्भात राज्य शासनाने १७ नोव्हेंबर २०२५ रोजी एक महत्त्वपूर्ण शासन निर्णय (GR) जारी केला आहे. हा निर्णय मुख्यमंत्री अन्नपूर्णा योजनेअंतर्गत प्रलंबित असलेल्या देयकांच्या आदायकीसाठी निधी वितरित करण्यासंबंधी मंजुरी देतो. या योजनेसाठी अनुसूचित जाती (SC) आणि अनुसूचित जमाती (ST) या दोन्ही प्रवर्गाकरिता ५० कोटी रुपयांच्या निधीची तरतूद करण्यात आली आहे.

ADS खरेदी करा ×

अनुसूचित जाती प्रवर्गासाठी ३० कोटी वितरित.

या तरतूदीनुसार, सामाजिक न्याय व विशेष सहाय्य विभागाने अनुसूचित जाती (SC) प्रवर्गातील महिला लाभार्थ्यांसाठी ३० कोटी रुपये इतका निधी तातडीने वितरित करण्यास मंजुरी दिली आहे. आर्थिक वर्ष २०२५-२६ मधील अनुसूचित जातीच्या लाभार्थी महिलांना दिलेल्या अनुदानापोटी तेल कंपन्यांनी सादर केलेल्या प्रलंबित देयकांच्या प्रतिपूर्तीसाठी हा निधी वापरला जाईल, अशी माहिती देण्यात आली आहे.

ADS खरेदी करा ×