दिटवाह चक्रीवादळ ; सेन्यारनंतर आता नवीन चक्रीवादळाचा ईशारा ; आज, २७ नोव्हेंबर रोजी, श्रीलंकेच्या पूर्व भागात सक्रिय असलेले कमी दाबाचे क्षेत्र (डिप्रेशन) आज रात्रीपर्यंत चक्रीवादळात रूपांतरित होण्याची शक्यता आहे. या अपेक्षित चक्रीवादळाला ‘दिटवाह’ (Ditwah) असे नाव देण्यात येणार आहे. हे वादळ हळूहळू तयार होत असून त्याची तीव्रता वाढण्याची शक्यता हवामान खात्याने वर्तवली आहे.
ADS
खरेदी करा
×
या चक्रीवादळाची प्राथमिक दिशा तमिळनाडू राज्यापर्यंत निश्चित झाली आहे. यामुळे, दिटवाह चक्रीवादळाच्या प्रभावामुळे तमिळनाडू आणि आंध्र प्रदेश या दोन राज्यांमध्ये मुसळधार पावसाचा अंदाज व्यक्त करण्यात आला आहे. या भागांतील लोकांना सतर्क राहण्याचे आवाहन करण्यात आले आहे, कारण किनारी भागात जोरदार वाऱ्यासह पावसाची शक्यता आहे.
