बियाण्यांच्या प्रमाणापेक्षा नियोजनाला महत्त्व; जास्त फुटवे आणि मोठे कणीस मिळवण्यासाठी ‘या’ पद्धतीने पेरणी करा
गव्हाचे उत्पादन वाढवण्यासाठी पेरणीच्या योग्य पद्धतीचे नियोजन करणे महत्त्वाचे आहे, असे मत कृषी तज्ज्ञांनी व्यक्त केले आहे. गहू पिकात आपण किती बियाणं वापरतो, यापेक्षा पेरणीचे नियोजन कसे केले आहे, याला अधिक महत्त्व आहे. विशेषतः ज्या शेतकऱ्यांचे शेतीचे क्षेत्र एक एकरपेक्षा कमी (उदा. १०-१५ गुंठे) आहे, त्यांनी उत्पादन वाढवण्यासाठी ‘टोबून पद्धतीने’ गव्हाची लागवड करण्याचा सल्ला देण्यात आला आहे.
ADS
खरेदी करा
×
टोबून पद्धत आणि पेरणीचे अंतर
टोबून पद्धतीत, पेरणी करताना शेतकऱ्यांनी आपल्या तीन बोटांमध्ये जेवढे दाणे (साधारणपणे ५ ते ६ दाणे) बसतील, तेवढे दाणे एकाच ठिकाणी (टोबून) टाकायचे असतात. दोन ठिकाणांमध्ये (टोबलेल्या जागी) साधारणपणे ५ ते ६ इंच इतके अंतर ठेवून हे टोबण करावे लागते.
