अतिवृष्टी नुकसान भरपाई आणि रब्बी अनुदान – eKYC सुरू… पहा कशी करावी.
अतिवृष्टीमुळे झालेल्या पिकांच्या नुकसानीची भरपाई आणि रब्बी अनुदानाच्या वितरणासंदर्भात शेतकऱ्यांसाठी एक अत्यंत दिलासादायक माहिती समोर आली आहे. ज्या शेतकऱ्यांचे ‘फार्मर आयडी’ (Farmer ID) पूर्वी कोणत्याही कारणास्तव मंजूर (अप्रूव्ह्ह) झाले नव्हते, अशा सर्व शेतकऱ्यांचे आयडी तात्काळ अप्रूव्ह्ह करण्यासाठी प्रशासनाने कठोर पाऊले उचलली आहेत. या संदर्भात प्रत्येक तहसील कार्यालयाला स्पष्ट निर्देश देण्यात आले आहेत, ज्यामुळे अनेक दिवसांपासून अनुदानाची प्रतीक्षा करत असलेल्या शेतकऱ्यांना मोठा दिलासा मिळणार आहे.
ज्या शेतकऱ्यांचे फार्मर आयडी अद्याप तयार झालेले नाहीत, किंवा ज्यांच्या अनुदानाचे वितरण वारसाच्या नोंदी, सामायिक खातेदारी किंवा इतर काही तांत्रिक अडचणींमुळे थांबले होते, अशा सर्व पात्र शेतकऱ्यांसाठी आता अनुदानाचे वितरण सुलभ करण्यासाठी ‘केवायसी’ (KYC – Know Your Customer) प्रक्रिया सुरू करण्यात आली आहे. या प्रक्रियेमुळे खात्यातील अचूक माहितीची नोंद घेऊन अनुदानाची रक्कम योग्य लाभार्थ्यांपर्यंत पोहोचण्यास मदत होणार आहे.
